Марыя Новікава

“Роднай мовы – гук чароўны…” пад такім дэвізам адкрыўся Дзень роднай мовы ў нашай школе.Радыёінфармацыя “Роднай мове прысвячаецца” пазнаёміла, чаму датай свята абраны дзень 21 лютага. У нашым рознакаляровым і рознагалосым свеце налічваецца больш за 6 тысяч моў.

Адны з іх вабяць саёй прыгажосцю і непаўторнасцю, другія- мілагучнасцю. Вучні ДУА “Сярэдняя школа №8 г.Крычава” сёння гавораць пра тое, што сярод мноства моў ёсць адна асаблівая- родная, беларуская мова.

У гэты дзень праводзіліся мерапрыемствы, прысвечаныя мове. Якую мы завём матчынай, на якой думаем, на якой вымавілі першае слова і на якой размаўлялі нашы продкі.

Вучні 6-7 класаў прымалі ўдзел у віктарыне “Размаўляем па –беларуску”. Настаўнікі школы разгадвалі загадкі штучнага інтэлекту.З вялікім задавальненнем яны называлі вядомыя фразеалагізмы і творы беларускіх пісьменнікаў.

 Віншавальныя паштоўкі “Пажаданні роднай мове”прэзентавалі навучэнцы 5-8 класаў. На прыгожых аркушах паперы дзеці выказвалі свае пажаданні роднай мове.

Квэст “Загадкі з лесніковай пасады” па творы Я.Коласа праходзілі дзевяцікласнікі.Падчас гульні ў вучняў развівалася цікавасць да вывучэння літаратуры, мовы, этнаграфіі. Выхоўвалася любоў да роднага, беларускага слова,вучні далучыліся да духоўнай спадчыны і самабытнасці культуры нашага народа.

Дзесяцікласнікі запісвалі на відэа чытанне вершаў пра родную мову і загружалі гэта відэа ў Інстаграм з хэштэгам # Мая мова беларуская# БРСМ.

Можна з упэўненнасцю сказаць, што для кожнага з вучняў знайшлося нешта сваё, тое, што ён запомніць надоўга.